「唔通個天都唔鍾意我，我咁後生咁靚仔，仲有好多野想做，好多玩具未買，隻online game剛剛先比左月費，琴日仲買左十期六合彩，聽日先開第一期，唔想就咁死左。」
正當澤南感到慌亂無助之際，突然間他手上的iphone不停地響起，於是他便望一望iphone的螢光幕，竟然出現了剛才撞跌澤南的阿伯，並且對澤南說：「年青人，我頭先唔小心同你掉轉左部電話，可唔可以過黎裕民坊巴士站同我換返。」澤南身陷險境，連碼頭都出不了，何況是九條街咁遠既巴士站，於是無奈回答：「阿伯，我而家比d怪物包圍住，唔知仲有冇命過黎。」
「哦，原來係咁，唔駛驚，有黑暗既地方就有光明，有邪惡的地方就有正義，你唔駛知道我係邊個，好快正義既使者就會黎救你，哈哈。」
「阿伯，我唔得閒同你玩，呢d野你返屋企先同個孫玩啦。我講真嫁，而家比怪物圍住，就快做佢地宵夜，你不如幫我報警啦。」澤南一邊哭著說，一邊心想，今天真係黑過墨汁，竟然遇到個青山出來的阿伯，難道個天真係唔鍾意佢。
蝗蟲一步一步地迫近澤南，對著他磨刀霍霍，澤南已經不知所措，雙腳震得也站不起來，思緒也雜亂無章，最後他只好閉起雙眼，成為蝗蟲的宵夜。
沒有留言:
張貼留言