「我都有D事想同你講，不過BB，你講先啦。」澤南禮讓地回應。
「James，有冇發覺，自從大學畢業之後，我地好似有D夾唔到？I mean，其實係讀大學既時候，我們既世界好似越來越遙遠，我諗，大家都到左呢個年紀，係咪應該冷靜咁Find out ，點去解決呢場Crisis？」
這句話，觸動了澤南敏感的觸覺，令本來已經煩躁的心情更火上加油，於是立即反駁：「我知，你入左獅子銀行做野，我只係一個紮鐵佬，配唔起你。」
「Come on, James，可唔可以成熟D呢。」澤南女友繼續說：「係你眼中，我真係咁功利而現實既女仔？其實我地既Differences，係讀大學時就已經出現左。例如，畢業個年暑假，我想去泰國既布吉，但你竟然帶我去左琛圳既布吉，我地仲吵大獲，自此之後我一直諗，我地會不會係屬於兩個唔同層次既人。」
澤南雖然知道自己確實與他的女朋友是有隔膜，但還不甘心地上訴 ：「嗰次係因為我唔夠錢，我只可以Afford報名關件旅行團嘛。無錢係一種罪嗎？如果係，點解你唔老實講？」
「I'm not talking about money ，你好清楚。」她把語氣抬高半個音階。
「我知你係睇唔起我，我哋分手算啦！」澤南說罷後就把電話斷線，然後嚎哭起來。其實之前澤南從朋友得知他女朋友的上司正熱切地追求她，而且有次還被澤南在脆華餐廳撞破，看到她們兩個人很親熱地吃一個奶油豬，所以他知道自己怎樣都挽救不了，不如接受現實，來個了斷。
澤南打擊一個接一個，已經萬念俱灰，整個人都失去了靈魂一樣，心想，明明自己很努力讀書和工作，為什麼都得不到，人又冇，錢又冇，連部iphone都出到10S，自己仲用緊部又殘又舊既iphone 4。澤南不斷怨聲載道，一時想不開，跑到己停用整年的觀塘碼頭，想跳海尋死。
