「哼，哼，James你表現很好。」一個年約五十歲，個子細小的男人，戴著黃色的安全帽，帶著嚴肅的神情地對澤南說。
「阿頭唔通覺得我紮鐵紮得好，過左試用期想加我人工。」澤南不禁心裡興奮地想。
「真係唔好意思，公司暫時未接到新project，冇budget，你做埋今日o的野，聽日唔駛返工，遲d人事部會打比你出埋今個月份糧比你。」判頭說完，澤南心情猶如晴天霹靂一百八十度轉變，然後憤慨地對判頭說：「唔嗱係呀，我聽日就過試用期，你今日就炒我。」
「我都明白，也很同情你，不過這是公司的政策和決定。」判頭似乎見慣這種情形，很冷靜地回應。
「之前見工個陣你話公司手頭上有幾個大型項目，又話鄉江呢幾年攪大型基建，唔荒冇野做既。」澤南仍然不忿地說。
「冇錯，係有大型項目，不過係同電視台攪緊鄉江小姐，而基建方面，而家公眾咨詢緊，下年尾應該會開波，你到時可以再黎見工。」
「頂，咁即係過穚抽板o者。」
「後生仔，我都唔想，你要明白世界變了，而家鄉江唔會再講人情味，我都未必保得住份工，何況你呀，接受現實把啦。」判頭說完，澤南明白怎樣再說都沒有用，知道事實如此，只好死死地氣離開地盤，然後收拾東西回家。
